BIGARREN HEZKUNTZA12 - 16 URTE.
Prestaketa prozesuan sakontzeko eta heldutasuna garatzeko garaia.
Balioen eta ezagutzen etapa
DBHn, ikasleek balioak, ezagutzak eta gaitasunak eskuratzen dituzte beren helburuak lortzeko. Gure helburua da zailtasunak gainditzeko gai diren, beren burua betetzat hartzen duten eta bizitza pertsonalean zein profesionalean zoriontsu izango diren pertsonak heztea.
Uste dugu espazioaren balioak hezkuntza-tresna gisa funtsezko papera duela helduarorako bidean.
Gure proposamena sei ildo nagusitan oinarritzen da: maitasun eta exijentziaz laguntzen dugu; jakitea, jakiteko egitea eta izatea sustatzen ditugu; erantzukizuna eta berdinen arteko lana bultzatzen ditugu; frustrazioaren eta esfortzuaren balioa irakasten dugu; begirada kritiko eta aktiboa garatzen dugu; eta gizarte humanoago eta bidezkoago baten aldeko kontzientzia pizten dugu.
Horrela egiten dugu lan
- Norbere neurriko tutoretza, ikaslearen bidelagun jardunez
- Bizikidetza da gure lehentasuna, horregatik daukagu bizikidetzako koordinatzailea
- Identifikazioaren eta lanaren bila, ikasle bakoitzaren indarguneetatik abiatuta
- Ikaskuntza praktikoa zenbait gunetan: sukaldean, negutegian…
- Proiektuetan eta taldean arituz, baina ezagutza indibidualak albora utzi gabe
- Gailu indibidualak zentzuz erabiltzen lagunduko digun eredu digitala
- Izaera humanista duten irakasgai espezifikoak
Hemen ikasle bakoitza bakarra delako
- Ko-irakaskuntzaren eta ko-tutoretzaren aldeko apustua.
- Ikasle bakoitzarentzako begirada bakarra, ikastetxeko zerbitzu guztiak koordinatuz.
- Hezkuntza premia bereziak dituzten ikasleak ikasgelan barneratuz.
- Gatazkari adi beti, zorroztasunez eta enpatiaz kudeatuz.
- Gure ikasleen premia fisikoei arreta berezia, eskolako erizainari esker.
- Premia espezifikoak dituzten ikasleentzat plan indibiduala.
Klaseak baino askoz gehiago gara
Hizkuntzak irakasterakoan
- Euskara komunikazio hizkuntzatzat duen hizkuntza eredua.
- Hiru hizkuntzak landuz, komunikazio-tailer berritzaile baten eskutik.
- Laugarren hizkuntza bat (alemana edo frantsesa) hautatzeko aukera, hautazko irakasgaien barruan.
- Ikasleak animatu eta prestatu egiten ditugu titulu ofizialetara aurkezteko.
- HIPI programa, hizkuntza trabak gainditzeko.
Ikasgelatik kanpoko esperientzietan
- Zenbait egunetako txangoak, naturarekin konektatzen eta natura errespetatzen ikasteko.
- Elkartasunezko proiektuak egiten ditugu, baita lurra errespetatzeko eta zaintzeko proiektuak ere.
- Jardueren eskaintza zabala: robotika, xakea, sukaldaritza, antzerkia, jarduera artistikoak...
- Cambridge azterketetara bideratutako prestakuntza espezifikoa.
- Kirol-eskaintza zabala instalazio paregabeetan: boleibola, futbola, saskibaloia, badmintona, areto-futbola...
Haratago joaten saiatzen gara
- Gabonetako eta udako kanpaldiak.
- Boluntariotza-proposamenak, elkartasun-kanpainak eta janari-bilketak.
- Zenbait egunetako esperientziak, autoestimua, autonomia eta bizikidetza sustatzeko.
- Barnetasuna eta espiritualtasuna indartzen ditugu otoitzaren, isiltasunaren, gogoeta pertsonalaren eta entzutearen bidez.
Lagun egiten diegu Nerabeari, 12 urtetatik 16 urtetara, maitasunez eta exijentziaz entzunez
Sustatzen dugu Jakitea, egiten jakitea eta izaten jakitea
Garatzen dugu Munduan kritikoki eta aktiboki barneratzeko gaitasuna
Irakasten diegu Zer-nolako balioa duen frustrazioak eta ahaleginak
Bultzatzen dugu Erantzukizuna eta berdinen arteko lana
Ernatzen dugu Gizarte humanoagoa eta justuagoa aldarrikatzeko kontzientzia
Metodologia
Gertutasuna eta harreman pertsonalizatua dira gure seinale. Prestakuntza akademikoa eta gaur egungo munduari egokitutako balio kristauak uztartzen ditugu.
Teknologia barneratzen aitzindariak gara 1X1 metodologiaren bidez, eta bizitza pertsonalean eta profesionalean teknologia behar bezala aplikatzeko beharrezko diren argibideak ematen ditugu. Laugarren eta azken mailan hasten da ikaslea etorkizunean gidatuko duten erabakiak hartzen, eta modalitateko irakasgaiak dituzten bi ibilbideren artean egin behar du aukera:
- Zientzien esparrua: Biologia-Geologia eta Fisika-Kimika.
- Letren esparrua: Latina eta Ekonomia.
Bi hautazko irakasgaien artean ere aukeratu behar du, bloke bakoitzetik bana:
- Hautezkoen blokea 1: Ekintzailetza eta Enpresa Jardueren Hastapena, Hezkuntza plastikoa eta bisuala ala Literatura Unibertsala.
- Hautezkoen blokea 2: Frantsesa, Alemana, Teknologia ala IKT (Informatika).
Irakasle taldea
Gure irakasleek ilusio eta konpromiso betea dute gure hezkuntza proiektuarekin, eta buru-belarri saiatzen dira ikasle bakoitzari ahal den prestakuntzarik onena eskaintzen.
Irakasle-taldea 46 hezitzailek eta orientazio departamentu batek osatzen dute (psikologo bat, bi pedagogia terapeuta eta hezkuntza bereziko teknikaria). Pastoral-talde bat ere badugu.
Instalazioak
Lehen Zikloa:
- 5 gela DBHko 1. mailan
- 5 gela DBHko 2. mailan
Bigarren Zikloa:
- 5 gela DBHko 3. mailan
- 5 gela DBHko 4. mailan.
Nerabeen ikaskuntza eta garapen pertsonala erraztuko duen giroa sustatu nahi dugu. Espazio eta instalazio berriak dauzkagu, etapa honetako premien arabera pentsatu eta moldatuak.
Zerbitzuak
Bizikleten aparkalekua ikastetxeko eraikinaren barruan
Sukalde propio eta osasungarria eta gertuko produktuak dituen jangela
Euskara sendotzeko programa espezifikoa, hesi linguistikoak gutxitzeko
Ordutegia eta egutegia
Ordutegi zatitua: Astelehen, astearte eta ostegunetan
Ordutegi jarraitua:Asteazken eta ostiraletan
1. eta 2. mailan 8:00etan ekingo diote asteazkenetan eta ostiraletan; gainerako egunetan, berriz, 9:00etan
3. eta 4. mailan 8:00etan ekingo diote egun guztietan, astelehenetan izan ezik (9:00etan)
Testuliburuak
Dispositibo digitalak erabiltzen ditugu.
Gaurkotasuna
2025eko abenduaren 26tik 30era, Aldapeta Maria Ikastetxea 46. Olinpiada Marianistaren egoitza eta motorra izan da Donostian. Kirol egunak, elkarbizitza eta balioak... eta bai: logistika. Eman play eta begiratu.
46.OLINPIADA MARIANISTA. Abenduaren 26tik 30era
46. OLINPIADA MARIANISTAREN WEBGUNEA
Zabalik dago datorren 2026ko urtarrilaren 10eko ate irekien jardunaldian izena emateko epea.
Izen-ematea eta informazio gehiago info@aldapeta.eus helbidean.
WE ikastetxe marianistetako 3 eta 18 urte bitarteko ikasleentzako hezkuntza-ibilbide bat da, Lurra ondo zaintzeko, elkartzeko eta zaintzeko.
DBHko 4. mailako ikasleak Arditurrira joan ziren elkarrekin egunpasa egitera. Topoa Fanderian utzi eta gero, bidegorria hartu eta bi ordutan erromatarren aroko mehatzeak izan zituzten ikusgai.
DBH 1 eta DBH2ko ikasleek Gerra Zibilak Gipuzkoan izan zuen eragina ezagutu ahal izan dute Koldo Mitxelenako Erresistentzia eta duintasuna erakusketari esker. Garaiko kartelak eta komikiak oso interesgarriak dira Gerra Zibilaren oroimenera hurbildu ahal izateko.
[html style=""]Aurten ere, DBHko 4. mailako ikasleek Valentzian igario dituzte sekula ahaztuko ez dituzten egunak. Ziurrenik, hauxe da lagunekin eta ikaskideekin eginiko lehen irteeratako bat, eta horrek are bereziagoa bihurtu du bidaia. [/html]
